Sekretari i Përgjithshëm i Partisë së Lirisë Tedi Blushi ka zhvilluar sot një takim me Shtabin drejtues të njësisë nr.5 në Tiranë. Blushi u shpreh se ky takim përkon edhe me 35-vjetorine rrëzimit të Murit të Berlinit, e cila ktheu vite më parë lirinë dhe të drejtat e njeriut.
Ai theksoi se “sot Partia e Lirisë ndodhet në një agresion të pashembullt, nën një terror dhe sulm të pabesë nga ky regjim kriminal, nga kjo juntë sorosiane, që ka instaluar Edi Rama edhe me ndihmën e Narkodrejtësisë”.
“Rrëmbimi terrorist i Presidentit të Partisë së Lirisë, Ilir Meta nuk ka patur për qëllim thjesht izolimin e tij por synon rrëmbimin mafioz të Partisë së Lirisë, një përpjekje që do të përfundojnë në koshin e plehrave sepse Partia e Lirisë është partia e patriotëve dhe nuk do të jetë kurrë Partia e Tradhtisë. Qindra mijëra anëtarë të kësaj force politike janë gati të paguajnë çdo çmim dhe të mbrojnë edhe me gjakun e tyre këtë forcë patriotike, e cila sot i prin betejës Kombëtare për çlirimin e vendit nga Narkoregjimi. Përgjigjia jonë e vetme në këtë situatë, duhet të jetë vetëm përshkallëzimi i aksionit tonë opozitar në terren.”, tha Blushi.
Ai i ftoi që të vazhdojnë me qëndrestarët dhe patriotët e vërtetë që të mbrojnë me çdo çmim dhe sakfrificë që të luftojnë për kauzat e tyre dhe interesin kombëtar.
