Ditën e sotme miliona amerikanë do t’iu drejtohen qendrave të votimit për të zgjedhur presidentin e 47-të në histori të shtetit më të fuqishëm në botë.
Qendrat e votimit do të hapen në disa shtete në orën 05:00 ET (10:00 GMT). Shtetet që do të vendosin për garën janë: Arizona, Georgia, Michigan, Nevada, Karolina e Veriut, Pensilvania dhe Wisconsin.
Në një garë që është më e ngushtë se kurdoherë më parë, amerikanët do të vihen përballë një zgjedhjeje historike.
Zëvendëspresidentja aktuale Kamala Harris, është kandidate e Partisë Demokratike, në përpjekjen për t’u bërë gruaja e parë presidente e Shteteve të Bashkuara të Amerikës. Përballë do ta ketë Donald Trumpin që synon rikthimin, katër vjet pasi humbi pushtetin nga Joe Biden.
