E ndërsa brenda vijon seanca e parlamentit ku Enkelejd Alibeaj kërkoi që t’u hiqet përjashtimi kolegëve demokratë, jashtë deputetët e tjerë të përjashtuar dhe të papërjashtuar të PD-së nuk janë lejuar të futen.
“Ne jemi gati të ulemi në cdo tryezë për të bërë të mundur që deputetët e opozitës të gjejnë një mënyrë dinjitoze për t’u rikthyer në Kuvend sikur e gjetëm në Janar” tha Spiropali.
Pas përplasjes me Gardën u ulën këmbëkryq. Pak metra më tej jashtë Parlamentit një protestë e minatorëve. Gazment Bardhi tha se ka bërë gati projektligjin me kërkesat e tyre.
“Ju informoj që pasi një pjesë e kolegëve kanë pasur mundësi t’i takojnë minatorët, dje është firmosur projektligji për statusin e minatorit dhe nesër do të depozitohet zyrtarisht.
Cdo kërkesë e tyre është përkthyer në një projektligj dhe nesër do të dorëzohet zyrtarisht në Kuvend” tha ai.
