TIRANË- Seanca ndaj ish-kryebashkiakut të Durrësit, Vangjush Daku ka dështuar. Mungesa e ish kryebashkiakut Dako dhe i avokatit mbrojtës coi në dështimin e seancës ku prokuroria do të lexonte konkluzionet përfundimtare për 4 të pandehur.
Gjyqtarja Elsa Ulliri shtyu seancën në 12 nëntor ora 14.00, ku prokurori Sotir Kllapi do shpallë pretencën për shtetasit Vangjush Dako, Fiqiri Farruku, Fatmir Ejupi dhe Adrian Bulku.
Avokati i ish-kryebashkiakut, dy orë përpara seancës paraqiti në sekretarinë e gjykatës kërkesë për shtyrje për shkaqe shëndetësore.Lidhur me këtë kërkesë, të dyja palët u dakordësuan që te shtyhej seanca, ndërkohë që prokurori u shpreh se i ka gati konkluzionet.
Vangjush Dako ndodhet në masën “arrest në shtëpi”. Dako akuzohet se ka kryer veprën penale “shpërdorim detyre”, në dy raste. Ai u arrestua në muajin qershor të vitit 2023, me urdhër të Prokurorisë së Posaçme dhe u la i lirë në shkurt të këtij viti, pasi SPAK nuk arriti të përfundojë hetimet e caktuara nga gjykata brenda afateve.
