Policia e Korçës ka arrestuar 6 persona në kuadër të operacionit antidrogë ‘Tempulli’, pas operacionit të mëparshëm ‘VOSKOPI’. Aksioni u realizua gjatë mbrëmjes të së hënës dhe orëve të para të mëngjesit.
Arrestimet erdhën pas një hetimi tre mujor, gjatë të cilit u siguruan prova për përfshirjen e të arrestuarve në aktivitetin e trafikut të lëndëve narkotike.
Gjatë kontrollit, policia ka shkuar në banesa dhe lokale të dyshuara për tregtim narkotikësh, duke sekuestruar sasi të vogla lëndësh narkotike.
Pritet një raport më i detajuar nga autoritetet në orët në vijim.
