Barcelona padiskutim mund të konsiderohet si skuadra e momentit. Katalanasit pas fitores spektakolare me Bayern Munich në Champions League, marrin një tjetër 3 pikësh të rëndësishëm në kampionat.
Mbrëmjen e sotme triumfuan 4-0 ndaj Real Madrid në “Santiago Bernabeu”. Një ndeshje spektakolare nga “djemtë” e Hansi Flick, që vazhdojnë kryesimin në kampionat, tashmë më 6 pikë mbi vendin e dytë në renditje.
Pas këtij triumfi padiskutim që është shumë i lumtur timonieri i Barçës. Flick shprehet se tifozët e meritonin një fitore të tillë dhe se skuadra këtë sezon ka një tjetër mentalitet fituesi.
“Të gjithë jemi të lumtur. Tifozët tanë e meritojnë këtë. Ne po bëjmë mirë. Nuk ishte e lehtë të luajmë kundër Real Madridit, por ne u mbrojtëm shumë mirë. Ne duhet të vazhdojmë me këtë mentalitet”, ka përfunduar tekniku i blaugranave.
