Izraeli sulmoi Iranin mëngjesin e sotëm.
Pamjet e postuara në Telegram tregojnë predha në qiell mbi Teheran, pasi Izraeli tha se kreu “sulme të sakta ndaj objektivave ushtarake” në Iran.
Forcat Mbrojtëse të Izraelit thonë se sulmet janë në përgjigje të “sulmeve të vazhdueshme mujore nga regjimi i Iranit” dhe pas një breshëri raketash iraniane në shënjestër Izraelin më 1 tetor. Bazat ushtarake në perëndim dhe jugperëndim të Teheranit janë shënjestruar, sipas një agjencie iraniane të lajmeve.
Arabia Saudite, përmes një deklarate nga Ministria e Jashtme, dënoi sulmin e Izraelit ndaj Iranit, duke e quajtur atë një “shkelje të sovranitetit të tij” dhe ligjeve ndërkombëtare, duke u bërë thirrje të gjitha palëve të ushtrojnë përmbajtje maksimale dhe duke ftuar komunitetin për veprim ndërkombëtar për de-përshkallëzimin dhe përfundimin e konflikteve. në rajon. Këtë e kanë raportuar mediat arabe.
