BBC ka bërë një investigim për kalimin e paligjshëm me gomone nga Gjermania drejt Britanisë së Madhe.
“Kushton 15,000 € (12,500 £) për të gjithë “pakon”, na thuhet. Për këtë do të na jepej një gomone e fryrë, me një motor jashtë dhe 60 xhaketa shpëtimi, për të kaluar përtej Kanalit Anglez”, thotë gazetarja e BBC.
Ky është “çmimi i mirë” i ofruar nga dy kontrabandistë me varka të vogla për një gazetar të fshehtë të BBC-së në Essen – një qytet në Gjermaninë Perëndimore ku jetojnë ose kalojnë shumë emigrantë.
Një hetim pesëmujor i BBC-së ka ekspozuar lidhjen gjermane me trafikun e emigrantëve në Kanalin Anglez.
Ndërsa qeveria e re e Mbretërisë së Bashkuar premton të “shpartallojë bandat”, Gjermania është bërë një vend qendror për ruajtjen e anijeve dhe motorëve të përdorur në kalimet e Kanalit – konfirmohet për BBC nga Agjencia Kombëtare e Krimit të Britanisë.
Duke e krahasuar një të tillë me një “kurth vdekjeje”, kryetari i Shoqatës Kombëtare të Varkave të Shpëtimit, Neil Dalton thotë se do të ishte “tmerrësisht e rrezikshme” për të paketuar dhjetëra njerëz në këto varka për një kalim në Kanal.
Gjatë xhirimeve të fshehta, kontrabandistët i zbuluan gazetares se i ruanin varkat në magazina të shumta sekrete – teksa luanin
Shifrat e OKB-së tregojnë se ky është viti më vdekjeprurës për kalimet e Kanalit të emigrantëve, ndërsa më shumë se 28,000 njerëz deri më tani kanë udhëtuar me varka të vogla të tejmbushura.
