Gjatë inaugurimit të Kolegjit Europian në Tiranë, Kryeministri Edi Rama ka bërë batuta të veçanta me presidenten e Komisionit Europian, Ursula Von der Leyen. Rama e përgëzoi atë, duke e cilësuar si politikanen europiane më të sigurt që ekziston dhe shprehu mirënjohje për mbështetje e saj ndaj Shqipërisë.
Ai theksoi se investimi në këtë kolegj është një përpjekje për të avancuar integrimin e Shqipërisë në BE, duke shtuar se për miqtë “shkohen përtej të mundurës”.
“Ndërsa po përpiqem të shmang fjalën e gjatë që më kanë përgatitur dhe tashmë më duhet të gjej fillimin, megjithatë është pa asnjë dyshim se fillesa është Ursula dhe dua të shpreh një falënderim të thellë nga zemra për të, që ka qenë një mike e palëkundur, e dashur dhe e vërtetë, për Shqipërinë dhe rajonin tonë.
Ursula dua të të garantoj se ky është një investim, sepse për miqtë ne shkojmë përtej të mundurës, edhe mund të vrasim. Ju jeni politikanja europiane më e sigurt që ekziston.
Edi që Frederika e di që ajo që po them është e vërtetë. Frederika filloi dhe u përpoq të bënte atë që Ursula përfundoi, që do të thotë të ulte Shqipërinë në tryezë për të nisur bisedimet e anëtarësimit.
Sot ne kremtojmë këtë moment të jashtëzakonshëm të takimit me studentët dhe profesorët e Kolegjit të Europës, ballë për ballë, dy vjet pasi kjo ide u hodh në Tiranë, kur u zhvillua samiti mes BE-Ballkanit Perëndimor”, tha Rama.
