TIRANË- Ka përfunduar protesta e opozitës që u zhvillua në hyrje të Parlamentit Evropian. Deputeti i Partisë Demokratike, Edi Paloka tha për mediat se Partitë Popullore Evropiane mbështesin PD-në në procesin zgjedhor dhe luftë kundër krimit të organizuar. Ai shtoi se Shqipëria duhet të respektojë votën e lirë të qytetarëve shqiptarë dhe të zbatojë rekomandimet e OSBE ODIHR.
“Janë informuar për situatën politike në Shqipëri, për sulmin ndaj opozitës nga ana e mazhorancës, burgosjet politike, ndikimin e krimit të organizuar dhe korrupsionit në Shqipëri. Partitë Popullore Evropiane mbështesin PD, vlerësojnë kontributin e saj në mbështetje të integrimit në BE dhe kërkojnë luftë të ashpër ndaj krimit të organizuar, korrupsionit dhe pastrimit të parave. PPE do të mbështesin PD në procesin zgjedhor dhe luftën e opozitës për zgjedhje të lira dhe të ndershme. Shqipëria duhet të respektojë votën e lirë të Shqiptarëve dhe të zbatojë rekomandimet e OSBE ODIHR.”, u shpreh Paloka.
