Një rastësi e çuditshme apo diçka e mirëmenduar?
Kjo është pyetja që lidhet me arrestimin e presidentit të Partisë së Lirisë, Ilir Meta, i cili në të kaluarën ka mbajtur dhe postet kryesore të Republikës Shqiptare, si kryeministër, president, dhe kryetar i Kuvendit.
Meta u arrestua rreth mesditës së sotme, 21 tetor 2024 për korrupsion në disa raste. Pamjet e arrestimit bënë xhiron e rrjeteve sociale, ndërkohë që lajmi u raportua edhe në mediat ndërkombëtare.
Por interesant është fakti se po në këtë datë, 21 tetor, një vit më parë, 2023, nisi ‘arrestimi’ i Sali Berishës, të cilit SPAK i komunikoi masën e sigurisë sa i përket aferës ‘Partizani’, shkruan Ilira Neës. Muaj më vonë pasi Berisha nuk iu bind urdhërit të prokurorëve për tu paraqitur në gjykatë, u urdhërua ndryshim i masës së sigurisë. Gjithashtu si sot një vit më parë ndodhi dhe arrestimi i Jamarbër Malltezit, dhëndërit të Berishës, ngjarje që ndodhi në aeroportin e Rinasit.
Kjo mund të jetë dhe rastësi, por ajo që vlen të thuhet është se dy nga figurat më të rëndësishme të politikës shqiptare janë të vënë zyrtarisht në akuzë.
