Pronari i kompanisë “Frigo Food”, Sokol Meqemeja, ka deklaruar se produktet Wudy të mbërritura në Shqipëri, janë prodhuar nga një fabrikë e sigurtë.
Ndryshe nga AKU-ja, e cila u bëri thirrje qytetarëve që të hedhin produktet Wudy, pasi janë infektuar me një virues me pasoja të rënda për shëndetin, Sokol Meqemeja konsumoi “live” salsiçe.
Duket e çuditshme se pse Sokol Meqemeja është shqetësuar kaq shumë nga zbulimi dhe ndalimi i këtij produkti, kur objektivi kryesor i bizneseve të tij është qarkullimi dhe pastrimi i parave të kokainës, para të cilat hyjnë me thasë në Shqipëri.
Mes shumë e-maileve të hakeruara nga iranianët, por që janë stopuar nga prokuroria dhe policia nën kërcënimin e ndjekjes penale për gazetarët, jepen informacione të detajuara edhe për Sokol Meqemejën, i ekspozuar në pastrimin e parave të kokainës, histori për të cilën do të flasim në vijim, dhe që është mbuluar nga policia, ashtu si shumë aktivitete të tjera kriminale.
Sokol Meqemeja qëndron pas disa kompanive që kanë blerë prona publike në Tiranë tek Edi Ramna, me çmime qesharake, për të ndërtuar pallate me para të pista.
Sipas burimeve, njerëzit që mbulon Meqemeja, kanë dhënë miliona euro ryshfet tek Tigri, për t’u bërë pronarë të tokave shtetërore në zonat kryesore të Tiranës.
Meqemeja mbulon një nga klanet më të fuqishme të drogës në Shqipëri, si maskë për t’i shpëtuar zbatimit të ligjit anti-mafia nga SPAK.
I njohur edhe si mafia e mishit dhe ushqimit, Meqemeja është importues i pulave të rrezikshme për shëndetin e qytetarëve, i sallamrave me ngjyrues, pronar i disa HEC-eve që i kanë dhënë pushtetarët e korruptuar si dhe ushtron aktiviteteve të dyshimta në disa kapanone buzë rrugës Hotolisht-Librazhd.
Mbetjet e mishit vijnë nga Afrika me 10 % të çmimit, por u ndryshohet etika si mish i freskët dhe i garantuar, ku më pas hidhet në tregun shqiptar.
Sokol Meqemeja, në bashkëpunim me Ridvan Bioden, ka përvetësuar edhe pasurinë publike “Frigoriferi Dvoran-Korrcë”, pasuri në të cilin është ortak me biznesmenin e bananeve, Thomas Chrisoglou, lidhje e mamuthit të korrupsionit Anastas Angjeli.
Fjala e Sokol Meqemejas:
Të nderuar qytetarë dhe përfaqësues të medias! Unë jam Sokol Meqemeja, përfaqësues i kompanisë “Frigo Food”, importues ekskluziv i produkteve “Wudy ” në Shqipëri.
Ditën e djeshme, opinioni publik është njohur me një deklaratë të Autoritetit Kombëtar të Ushqimit, i cili informonte se disa lote të produkteve Wudy janë kompromentuar me virusin “Listeria”.
Në respekt të qytetarëve, si edhe të angazhuar maksimalisht për sigurinë e shëndetit të klientëve, shoqëria “Frigo Food”, Ju sqaron si vijon: “Frigo Food”, prej rreth 20 vitesh, është përfaqësues i kompanisë italiane “AIA”, një prej sipërmarrjeve më të mëdha italiane dhe evropianë.
Disa ditë më parë, “Frigo Food” është njoftuar nga kompania “AIA” se, në një prej stabilimenteve të saj, ka pasur defekt impianti i pasterizimit.
Ju sqarojmë se kompania “AIA” ka disa stabilimente prodhimi. Ky njoftim u është shpërndarë menjëherë Ministrisë italiane të Bujqësisë, autoritetit kompetent të Bashkimit Evropian, si edhe të gjithë bashkëpunëtorëve të kompanisë italiane “AIA”, përfshirë edhe importuesin ekskluziv të produkteve Wudy në Shqipëri, “Frigo Food”.
Kompania italiane njofton gjithashtu se ka tërhequr të gjithë produktin e kompromentuar nga tregu evropian.
Ndërsa, sa i përket produktit “Wudy ” të mbërritur në Shqipëri, sasia e importuar është prodhuar dhe është shpërndarë nga një fabrikë, e cila është 100 për qind e sigurt.
Produkti “Wudy ” i mbërritur në vendin tonë nuk ka asnjë lidhje me impiantin e kompromentuar të kompanisë “Aia” në Itali.
Produktet “Wudy ” që janë importuar në Shqipëri kanë garanci maksimale dhe kjo është e konfirmuar nga fletët e analizave të kryera në Itali, si edhe nga Autoritetet shqiptare.
Për të qenë sa më transparent me Ju dhe opinionin publik, ju sqarojmë se çdo sasi produktesh Wudy që mbërrin në vendin tonë, është i shoqëruar me rezultatin e analizave, të kryera nga laboratorët në Itali që janë të certifikuar prej Bashkimit Evropian, si edhe kalojnë në një filtër të dytë nga autoritetet përgjegjëse shqiptare.
Në asnjë rast të vetëm, as këto muajt e fundit, nuk është konstatuar që produktet Wudy të importuara në Shqipëri të kenë pasur problem për sigurinë e shëndetit të klientëve.
Kompania “Frigo Food” zhvilloi gjatë ditës së djeshme komunikime intensive me autoritetet përkatëse shqiptare, ku i sqaroi me detaje situatën, si edhe paraqiti garancitë maksimale se produktet “Wudy ” të importuara në tregun shqiptar nga kompania jonë, janë tërësisht të sigurta për përdorim nga qytetarët.
Për të gjitha këto arsye, kompania “Frigo Food” kërkon të sigurojë qytetarët shqiptarë që kanë përdorur produkte “Wudy ” se nuk do të kenë asnjë pasojë në shëndetin e tyre dhe ato mund të përdoren pa asnjë problem, duke respektuar në çdo rast shënimet përkatëse në etiketën e produktit.
Përtej dokumenteve zyrtare, kompania “Frigo Food” mund të japë edhe një garanci të shtuar për qytetarët dhe klientët e saj mbi cilësinë maksimale të produktit “Wudy” që gjendet në tregun shqiptar.
