Protestë, dhunë dhe përplasje të forta në oborrin e Parlamentit dhe jashtë tij. PD pretendon se njëri nga efektivët nxori armën dhe kërcënoi dy deputetët Luan Baci dhe Bledjon Nallbati.
PD ka shpërndarë edhe pamjet në media të këtij momenti kur efektivi vendos dorën në brez, ku mban armën, por nuk ka pamje më tej që të ketë nxjerrë pistoletën dhe të ketë kërcënuar deputetët apo protestuesit.
Debati i dytë lidhet me faktin se përse FNSH u lejua nga Garda që të futet brenda oborrit. Kreu i Gardës, Ermal Onuzi ka debatuar duke u kërkuar llogari vartësve të tij se përse lejuan FNSH-në që të futet brenda pasi sipas tyre situata ishte e menaxhueshme.
