Deputetja e Partisë Demokratike, Elda Hoti është përjashtuar nga seanca plenare e ditës së sotme, pasi hodhi një lëndë në Kuvend.
Përjashtimi i saj erdhi me urdhër të Kryetares së Parlamentit, Elisa Spiropali, e cila pretendoi se Hoti ka ardhur në Kuvend me benzinë dhe ka rrezikuar jetën e deputetëve të tjerë të pranishëm në seancë.
“Një pjesë e juaja e cila nuk po i përmbahet rregullave dhe regjimit të kontrollit të brendshëm, bëhet fjalë për zjarrëvnie të qëllimshme. Të gjitha provat do të merren, Do të bëjmë kallëzim penal”, tha Hoxha.
Kurse kryetarja e Kuvendit, Elisa Spiropali, kërkoi 10 minuta pushim për të verifikuar se çfarë ishte ajo lëndë.
Nderkaq, deputetet e opozitës dolën përpara Kuvendit për të mbajtur secila një deklaratë për dhunën e ushtruar ndaj tyre në Kuvend.
Specifikisht, deputetet thanë se kolegia e tyre, Elda Hoti është dhunuar nga Garda e Republikës me urdhër të Elisa Spiropalit.
Këto pamje tregojnë se si gardistët ushtrojnë dhunë ndaj deputetes demokrate. E megjithatë, Spiropali vendosi që ta përjashtojë Hotin duke e akuzuar se hodhi një lëndë të dyshimtë, ndersa vete Elda Hoti tha se ishte një aromatizues.
VIDEO-LIVE NGA KUVENDI
