TURQI- Mëngjesin e sotëm Turqia është goditur nga një tërmet 5.9 ballë. Ndërkohë pamje nga momentet e tërmetit janë publikuar. Një spikere po bën bën xhiron e rrjetit pasi ajo përjetoi momente paniku gjatë transmetimit live.
Në video duket studioja që tronditet gjatë lëkundjeve të tërmetit ndërsa spikerja panikoset por nuk lëviz nga tavolina.
“O zot, vazhdon akoma, djema…”, thotë spikerja.
Tërmeti është ndjerë në Anadollin Lindor, Anadollin Juglindor dhe Anadollin Qendror. Ministri i Punëve të Brendshme Ali Yerlikaya bëri një deklaratë pas tërmetit që u ndje edhe në Diyarbakır dhe Elazig Ka një shembje të pjesshme në gjithsej 3 ndërtesa, 1 në Malatya, 1 në Sanlıurfa, 1 në Elazig. Nga ana tjetër, pas tërmetit, mësimi u pezullua për 1 ditë në Malatya, Elazig dhe Sanliurfa.
Ekipet e sigurisë dhe policia vijojnë punën në Malatya, Diyarbakır, Sanlıurfa, Elazig, Batman dhe Tunceli. Gjithsej 374 raportime janë pranuar në 112 Qendrat e Thirrjeve Emergjente për shkak të tërmetit.
Gjithsej 4 ndërtesa u dëmtuan në provincat e Malatya, Sanlıurfa dhe Elazig. 4 persona në një ndërtesë pjesërisht të dëmtuar në provincën Elaziğ u shpëtuan të gjallë.
Videon e gjeni KËTU
