Policia belge bastisi një magazinë në Assenede në tetor 2022, duke zbuluar një plantacion kanabisi me 82 kilogramë bimë, me vlerë 800.000 euro. Dy shqiptarë u arrestuan në vendin e ngjarjes, ndërsa dy të tjerë u kapën pranë plantacionit dhe një shqiptar i pestë u identifikua më vonë.
Të enjten, pesë shqiptarët u dënuan, me tre prej tyre në mungesë. Njëri u dënua me tre vjet burg dhe 12 mijë euro gjobë, ndërsa të tjerët morën dënime nga 20 deri në 40 muaj burg, me gjoba nga 8,000 deri në 16,000 euro. Gjithashtu, ata duhet të paguajnë 21 mijë euro dëmshpërblim.
Avokatët mbrojtës pretenduan se të arrestuarit ishin naivë dhe mendonin se kultivimi i kanabisit ishte i lejuar në Belgjikë, një pretendim që u konsiderua si budallallëk. Një avokate tha se klienti i saj kishte nevojë për para për të ndihmuar një vajzë të sëmurë.
