Këshilltari Ligjor i grupit parlamentar të PD, Marash Logu ka reaguar me një postim në faqen e tij në Facebook pas kërcënimit që gazetari Sokol Balla ka bërë për nënkryetarin e PD, Gazment Bardhi.
Mesazhi:
Kanosja për shkak të detyrës e një të zgjedhuri publik përbën vepër penale të dënueshme një deri në tre vjet burg (neni 238/2 i Kodit Penal).
Publikisht Sokol Balla — i njohur për lidhjet e tij personale e familjare me eksponentët e mazhorancës — ka kërcënuar kryetarin e Grupit Parlamentar të PD-së se, nëse vazhdon denoncimet e lidhjeve të qeverisë me krimin e organizuar, do të ketë fatin e një personi të zhdukur që dyshohet të jetë vrarë.
Prokuroria duhet të marrë urgjentisht të pandehur Sokol Ballën dhe të zbulojë porositësin/ët e këtij kërcënimi publik, që veçse me gazetari e media nuk ka lidhje.
