TIRANË- Drejtori i Përgjithshëm i Policisë së Shtetit, Ilir Proda ka firmosur ditën e sotme ndryshimin e ri në radhët e uniformave blu. Mësohet se Drejtori i Qarkut të Dibrës, Dhimitraq Ziu do të emërohet drejtor i Drejtorisë së Standardeve Profesionale në Drejtorinë e Përgjithshme të Policisë.
Ziu më parë ka qenë zëvendësdrejtor i Qarkut Tiranë në kohën kur kjo drejtori drejtohej nga Ardi Veliu. Gara për 12 drejtorët e qarqeve pritet të firmoset nga Proda pas miratimit të rregullores në zbatim të ligjit të ri. Rregullorja për drejtuesit e 12 qarqeve propozohet nga ministri dhe miratohet nga qeveria.
