TIRANË– Për pak minuta pritet të nisë protesta e thirrur nga opozita, ndërsa qytetarët kanë nisur të grumbullohen në sheshin Skënderbej dhe në selinë blu.
Po ashtu para Kryeministrisë ka nisur mbledhja e protestuesve, ndërsa efektivët janë vendosur gardh para godinës. Mësohet se rreth 1.000 zyrtarë policorë do të angazhohen për mbarëvajtjen e këtij tubimi.
Në shkresën që Partia Demokratike i ka dërguar policisë, ka kërkuar katër orë leje për tubim, nga ora 18:00 deri në orën 22:00, para ndërtesës së Kryeministrisë. Shtetet e Bashkuara dhe Bashkimi Evropian kanë shprehur shqetësim dhe keqardhje për skenat që janë parë në dy aksionet paraprake të opozitës, dhe kanë bërë thirrje për dialog.
