Ervin Salianji ka shkruar një letër nga burgu, duke iu drejtuar qytetarëve para protestës së opozitës. Ai thekson se qëndresa e popullit është çelësi për shkatërrimin e qeverisë aktuale dhe inkurajon qytetarët të mos humbasin dinjitetin.
Salianji shprehet se frika e mbjellë nga qeveria ka përkuar për t’i forcuar ata që protestojnë. Ai nënvizon se është detyra e çdo qytetari të jetë një mur kundër padrejtësive dhe të reagojnë për të drejtat e tyre.
“Në këto orë, ata po korrin frikën që mbollën vetë!
E dimë që menduan se do na frikësonin, e sot më shumë na forcuan. Qëndresa jonë është shpërbërja e tyre! Ne e dimë që shumë nga ne sakrifikojnë e rezistojnë sepse na takon ne së pari të jemi muri që ndal të keqen. Na takon ne dhe vetëm ne të jemi forca e shembullit.
Miq,
Të humbësh lirinë për të fituar forcën e goditjes ndaj padrejtësisë, është zgjedhje e ndërgjegjies. Të humbësh lirinë në betejë për të fituar demokracinë e qeverisje të mirë për njerëzit, është vlera më e lartë.
Të humbësh lirinë duke fituar besimin në sakrificë është forma më ë lartë e fisnikërisë civile. Të fitosh lirinë duke protestuar me besimin që shqiptarët meritojnë një tjetër zgjidhje, është rruga!
Reago, mos humb veten, as dinjitetin, as të drejtat!
