FIFA ka njoftuar se do të ndryshojë sistemin e votimit për vendin organizator të Kupës së Botës për edicionet 2030 dhe 2034.
Ky ndryshim i hap rrugën Arabisë Saudite për të organizuar Botërorin e 2034, duke e bërë më të vështirë për vendet që votojnë kundër organizimit të turneut në Spanjë, Portugali dhe Marok, që të refuzojnë gjithashtu kandidaturën saudite.
Në mbledhjen e fundit të këshillit të FIFA-s, anëtarët vendosën unanimisht për këtë sistem të ri, që do të llogarisë votat negative për të dy edicionet në të njëjtën kohë. Arabia Saudite ka ambicie të forta për të organizuar eventin pas suksesit të Katarit në 2022.
