TIRANË- Trajneri i Kombëtares së Shqipërisë Sylvinho po mban një konferencë për mediat, pas publikimit të listës së futbollistëve për dy ndeshjet e Ligës së Kombeve, kundër Çekisë dhe Gjeorgjisë.
I pyetur për grumbullimin e Amir Abrashit, trajneri tha se ai është një lojtar që i duhet kombëtares. Trajneri kuqezi shtoi se kur ai futet në fushë jep maksimumin për ekipin.
“Abrashi është lojtari që ka çfarë jep, kam 100 për qind besim te ai, është lojtari që nëse hyn në fushë jep 100 për qind”, tha ai.
Kombëtarja luan ndeshjet e dyta në Ligën e Kombeve, përballë Çekisë me 11 tetor dhe Gjeorgjisë me 14 tetor, të dyja sfidat në transfertë.
Grumbullimi i lojtarëve do të nisë që të dielën në Tiranë me futbollistët që do të përfundojnë më herët impenjimet me skuadrat e tyre, ndërsa grupi i lojtarëve pritet të jetë i plotë të hënën më 7 tetor.
Seancat stërvitore do të zhvillohen në “Shtëpinë e Futbollit”, ndërsa të enjten kuqezinjtë do të udhëtojnë drejt Çekisë.
lajmi në përditësim…
