TIRANA- Zv.Kryetari i Komisionit Hetormor për të Shëndetësisë, Plarent Ndreca, ka marrë drejtimin e mbledhjes pas bojkotit që ka vendosur të bëjë opozita. Ndreca tha se shpreh keqardhjen për mosprezencë të opozitës, por, sipas tij, kjo është vendimmarrje politike. Ai ka shtuar se kanë detyrimin të vijojnë mbledhjen në respekt të vendimmarrjes që kanë marrë si Komision.
“Sot është mbledhja e radhës e dakordësuar edhe me kryetaren e Komisionit, edhe me përfaqësuesit e opozitës, me vendimmarrje përkatëse nga Komisioni. Ky është zbatim i vendimit për thirrjen e dëshmitarëve. Kemi detyrimin të vijojmë mbledhjen në respekt të vendimmarrjes që kemi marrë si Komision. Me keqardhje për mosprezencë të opozitës, por është vendimmarrje politike, as nuk na përket dhe as nuk duhet ti përkasë këtij komisioni”, tha ai.
