Një ngjarje tragjike ndodhi në një supermarket Walmart në Shangai, ku tre persona humbën jetën dhe 15 të tjerë u plagosën nga një sulm me thikë të hënën mbrëma.
Policia ka arrestuar një burrë 37-vjeçar, Lin, i cili ka pranuar se veprimi i tij ishte rezultat i “shfryrjes së zemërimit” për një mosmarrëveshje ekonomike personale. Incidenti ndodhi në një qendër tregtare në lagjen Songjiang. Të tre viktimat e ngjarjes humbën jetën në spital, ndërsa të plagosurit e tjerë janë jashtë rrezikut për jetën.
Dëshmitarët përshkruan një skenë kaotike, me panik dhe gjak në të gjithë vendin. Një pronar dyqani tha se nuk kishte parë kurrë diçka të tillë dhe ndjeu një shqetësim të madh për sigurinë e njerëzve.
Pavarësisht ndalimit të armëve të zjarrit në Kinë, vendi ka përjetuar një rritje të sulmeve me thikë në muajt e fundit, duke përfshirë incidente të tjera fatkeqe që kanë shkaktuar viktima.
