Një rast dhune të policisë është denoncuar në Elbasan.
Disa pjesëtarë të një familje janë përleshur në Elbasan, pas një sherri mes një çfiti. Ishte mbesa e gruas, që deklaroi se bashkëshorti ka rrahur hallën e saj dhe sot është i lirë. Sipas saj, burri i hallës është i lirë, pasi ka paguar 2 mijë euro tek njerëz të sistemit të drejtësisë në Elbasan.
Mbesa e gruas të dyshuar të dhunuar tha pas sherrit masiv, policia ka arrestuar babanë dhe xhaxhanë e saj. Ajo tha se babai i saj shkoi në QSUT, pasi kishte probleme shëndetësore, ndërsa xhaxhai është në paraburgim. Sipas saj, Policia e Elbasanit ka ushtruar dhunë ndaj babait dhe xhaxhait të saj.
“Dhunuesi i hallës sot është i lirë, pasi ka njohje dhe ka bërë pagesa në Gjykatën e Elbasanit. Dhunuesi ka paguar 2 mijë euro, policia duhet ta gjejë se kujt ia ka bërë dhunuesi pagesat. Shkak i situatës ka qenë mosfunksionimi i institucioneve. Ne qenkemi pala fajtore, kur një dhunues ka dhunuar një zonjë e një nënë fëmijësh. Zotëria në fjalë ka dhunuar edhe babanë tim. Ka qenë nën efektin e alkoolit. Gjyshja ime ka parë sherrin e çiftit dhe prej asaj nate, gjyshja ka refuzuar të ushqehet e të marrë medikamentet e saj dhe më 22 korrik ajo ka ndërruar jetë. Dhunuesi ka kërcënuar edhe nipin e hallës.
Prokuroria thotë se po bën hetime e nuk e dimë se në çfarë faze është hetimi. Dhunuesi dhe ka provokuar. Janë shoqëruar babi e xhaxhai im. U morën zvarrë dhe babait i ka rënë të fikët. Jam shoqëruar edhe unë duke qenë se isha në vendngjarje. Janë prerë urdhrat e arrestit, pa e sqaruar situatën. Babai im dhe xhaxhai më pas janë dërguar te paraburgimi i Mine Pezës. Babai im shkoi në urgjencë se nuk ishte mirë. Shkoi në QSUT. Xhaxhai im është ende në paraburgim. Akuzat janë dhunë në familje, në bashkëpunim dhe kundërshtim të punonjësve të policisë. Policia e Elbasanit ka ushtruar dhunë ndaj babait dhe xhaxhait tim. Nëse duhet, unë do shkoj të ankohem deri në Gjykatën e Strasburgut”, tha ai.
Mbesa më tej deklaron se janë shoqëruar në polici halla, babai dhe xhaxhai i saj. Halla e saj sot është në masën e sigurisë “arrest shtëpie”. Mbesa hedh akuza të rënda në drejtim të Policisë së Elbasanit. Sipas saj, Shefi i Policisë së Rendit në Elbasan ka kapur për flokësh hallën e saj, gjatë shoqërimit në komisariat dhe ia ka përplasur kokën për muri.
“Sot halla ime është në arrest shtëpie, akuzohet për kundërshtim të forcave të rendit. Kur halla është shoqëruar, shefi i Policisë së Rendit të Elbasanit ka kapur për flokësh hallën time. Policja e ka rënë me 4 shpulla. Halla ime i ka thënë se për këto shpulla që ke gjuajtur sot, do ta çoj çështjen më lart. Pas gjithë kësaj historie, është shtuar një akuzë tjetër, që sikur halla ime paska marrë armën e shërbimit të një policeje. Po, anëtarët e fisit të hallës sime kanë bërë sherre me bashkëshortin e hallës. Nuk kam parë shumë skena, sepse po merresha me djalin tim, që u tmerrua”, deklaroi ajo.
