Kryetari i Partisë Demokratike, Sali Berisha ka reaguar pas dënimit me një vit burg të demokratit, Ervin Salianji.
Berisha e konsideron vendimin si të orkestruar nga kryeministri Edi Rama, duke e cilësuar vendimmarrjen si politike për motive hakmarrjeje.
“Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij.
Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar”, shkruan Berisha.
Ndër të tjera, Berisha shprehet se PD e dënon këtë akti të socialistëve, ndërsa e cilëson so dëshmi të terrorit ndaj opozitës.
“Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit plitik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij”, përfundon ai.
Apeli ndërkohë la në fuqi edhe vendimin për Alfred Alizotin që mori psudonimin Babalja e që imitoi zërin e Geron Xhafajt. Alizoti u dënua me 3 vjet e pesë muaj burg, ndërsa gazetari që publikoi audiopërgjimin, Jetmir Olldashi, u dënua me 100 orë punë në komunitet.
