Presidenti i Partisë së Lirisë, Ilir Meta ka reaguar për herë të parë për idenë e hedhur nga kryeministri Edi Rama për krijimin e shtetit Bektashi. Meta, tha se kjo është një shashkë e Ramës të cilin pasi e akuzoi për vjedhjen e pronave të komuniteteve fetare i kërkoi që të heqë dorë nga kufijtë.
“Grabitësi më i madh në këto 34 e vite të pronave të bektashinjve dhe të gjithë komuniteteve fetare në vend, hodhi idenë e krijimit të shtetit sovran në prag të zgjedhjeve elektorale në mënyrë të njëanshme, të pa konsultuar, të paqartë dhe në kundërshtim me frymën e Kushtetutës që sanksionin se Shqipëria është shtet unitar. Kjo është shashkë për të larguar vëmendjen nga skandalet ky është përfshirë Rama dhe problemet që përballet Shqipëria nga keqqeverisja e tij.
Cdo përpjekje për ta identifikuar Shqipërinë si qendrën e Bektashizmit është e mirëpritur, por nuk mund të keqpërdoret në funksion të axhendave elektorale dhe okulte, aq më tepër kur nuk janë të konsultuara dhe rrezikojnë të kthehen në precedent të rrezikshme për rajonin për kufijtë me qëllim destabilizimin dhe paqes së arritur me aq shumë sakrifica.
Rama në 11 vite në pushtet ka dëshmuar me prova se jo vetë nuk i respekton komunitetet fetare por është edhe grabitësi më i madh i pronave në pronat bregdetare dhe jo vetëm për investitorët strategjikë. Keqpërdorimi i bektashianëve është i papranueshëm. Bektashinjtë kurrë nuk kanë luftuar për krijimin e një shteti por Shqipërinë.
Ai është një i pafe, grabitësi më i madh i pronave të komunitetit bektashi dhe të tjerëve. Dua të konfirmoj se PL me ardhjen në pushtet, brenda një viti do të kthejë të gjitha pronat ose do i kompensojë komunitetet fetare, pasi është një e drejtë e mohuar qëllimisht. Rama t’u kthejë pronat, se të tjerat janë aventura që i di mirë, Shqipëria ka jo vetëm Kushtetutë por edhe proces të pakthyeshëm të integrimit” tha Meta.
