Kryetari i Këshillit Kombëtar Shqiptar Nevzad Lutfiu me anë të një postimi në rrjetet sociale ka lajmëruar që nesër nga ora 18:00 do të mbajnë protestën e paralajmëruar në Preshevë.
“Të marshojmë për identitetin e dinjitetin tonë. Për tekste shkollore në gjuhën shqipe për gjimnazistët tanë. Për njohje të diplomave të universiteteve të Republikës së Kosovës për studentët tanë. Për mundësi të barabarta në punësim. Të dëshmojmë edhe një herë se edhe përkundër apartheidit, shqiptarët e Luginës nuk heshtin. Aq më pak, nuk dorëzohen e nënshtrohen. Të vazhdojmë luftën për të drejta, liri e barazi”, ka shkruar Lutfiu.
