Derbi Partizani- Tirana barazuan 0 me 0 në stadiumin ‘Air Albania’. Në këtë ndeshje morën pjesë 12 mijë tifozë dhe skuadrat dhuruan një lojë të bukur për ta edhe pse pa gola.
Të shumta ishin rastet nga të dyja skuadrat për të gjetur golin në këtë sfidë, por “gardianët” e të dyja skuadrave ishin në super formë, duke mbajtur të paprekura rrjetat e skuadrave të tyre.
Falë këtij rezultati, Partizani ngjitet në kuotën e 9 pikëve dhe pozicionohet në vendin e tretë. Ndërsa Tirana siguron barazimin e gjashtë, në gjashtë javët e para të kampionatit.
