Presidenti i Partisë së Lirisë, Ilir Meta iu shmang sot pyetjes nëse do të jetë në një koalicion me Sali Berishën në zgjedhjet e 2025-ës. Foli edhe për SPAK-un.
“Kam ndjekur intervistën e Berishës, jemi në solidaritet të plotë me betejën e tij kundër narko-shtetit dhe me të gjitha sakrificat që po bën ai që tregojnë tmerrin e regjimit nga opozita e vërtetë dhe prezenca e saj në parlament.
PL ka nisur përgatitjet në të gjithë vendin dhe në Tiranë ku do të kandidoj edhe unë si President i Partisë së Lirisë ku do të kemi një rezultat fantastik.
Pavarësisht se Dumdumani ka 5 vite që heton për Ilir Metën në bazë të një kallëzimi të një personi të çmendur që është dënuar në 2019, as ka gjetur dhe as ka për të gjetur asnjë akt të Metës në kundërshtim me ligjin, asnjë llogari gjëkundi, asnjë pronë të fshehur.
Jemi në dijeni se kanë gjetur diçka rreth njerëzve që dikur Meta i ka pasur pranë dhe përpiqen ti përdorin si pentito të deklaruar apo deklaruar duke bërë edhe inskenime të bisedave ambientale. Dumdumani ka vetëm një qëllim që të përdorë njerëzit e kapur të opozitës për të goditur udhëheqësit e vërtetë të opozitës” tha ai.
