Gjykata e Posaçme Antikorrupsion (GJKKO) ka kthyer dosjen ndaj mjekut Edvin Prifti në SPAK për plotësim hetimesh.
Gjyqtarja Elsa Ulliri ka dhënë një afat dy muaj për prokurorin Sotir Kllapi që të përfundojë hetimet dhe të kërkojë përsëri kalimin e dosjes në gjykim. Vendimi u mor në një seancë të martën e kaluar, që zgjati mbi dy orë.
Në shkurt të këtij viti, SPAK kishte mbyllur hetimet dhe kishte dërguar dosjen në GJKKO me katër akuza ndaj Priftit, përfshirë “korrupsion pasiv” në 7 raste, “vjedhje duke shpërdoruar detyrën”, “fshehje të ardhurash” dhe “pastrim parash”.
