Barcelona shijon suksesin e radhës në La Liga, këtë herë ndaj një kundërshtari si Girona. Katalanasit fituan 1-4, në ndeshjen e luajtur në Estadio Municipal de Montilivi (Girona).
Pjesa e parë për të besuarit e Flick u “vulos” nga dopieta e Yamal, ndërsa në pjesën e dytë, realizuan edhe Olmo e Pedri. Goli i nderit për Gironan, mban firmën e Stuani.
Barça kryeson kampionatin me 15 pikë, 4 pikë më shumë se Real Madrid. Girona është në vendin e shtatë.
