LEZHË- Policia e Lezhës ka arrestuar një 57-vjeçar, pasi i ka zhvatur me 30 milionë lekë të vjetra administratorin e një biznesi. Robert Malësia, duke u hequr si një zyrtar i lartë vendor ka paguar para nga pronari i biznesit. Komunikimi i tyre është bërë përmes aplikacionit “Signal”, por Policia nuk ka bërë me dije detaje të tjera. Bashkë me 57-vjeçarin, Policia ka zbuluar edhe një bashkëpunëtor, por ky i fundit është shpallur në kërkim.
https://www.facebook.com/plugins/video.php?height=315&href=https%3A%2F%2Fwww.facebook.com%2Fpoliciashtetitshqiptar%2Fvideos%2F1084098676468277%2F&show_text=false&width=560&t=0
“Finalizohet në bashkëpunim me Drejtorinë e Forcës së Posaçme Operacionale, operacioni policor i koduar “Flop”, për zbardhjen e një skeme mashtrimi për përfitimin e parave nga operatorët ekonomikë. Përfitoi 3 000 000 lekë nga administratori i një subjekti privat, pasi komunikoi me të në emër të përfaqësuesit të një institucioni vendor, vihet në pranga 57-vjeçari. Vijojnë hetimet për identifikimin dhe kapjen e shtetasve të tjerë të përfshirë në këtë skemë mashtrimi. Seksioni për Hetimin e Krimeve Ekonomike dhe Financiare, pas kallëzimit nga një shtetas, se i kishin kërkuar një shumë parash me anë të mashtrimit, nëpërmjet një aplikacioni, kanë nisur hetimet me metoda proaktive, në drejtimin e Prokurorisë, për zbardhjen e këtij rasti dhe për identifikimin e shtetasve të përfshirë. Si rezultat i veprimeve hetimore të kryera në kuadër të operacionit policor të koduar “Flop”, u arrestua në flagrancë shtetasi:
R.M., 57 vjeç, banues në Tiranë. Nga veprimet hetimore dyshohet se shtetasi R. M., në bashkëpunim me një shtetas tjetër të paidentifikuar, kanë përfituar 3 000 000 lekë nga administratori i një subjekti privat, pasi kanë komunikuar me të në aplikacionin “Signal”, në emër të përfaqësuesit të një institucioni vendor. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprën penale “Mashtrimi” me pasoja të rënda, kryer në bashkëpunim”, njoftoi policia”, njofton policia.
Kjo nuk është skema e parë e mashtrimit që ka ndodhur në Lezhë, pasi edhe në Korrik të këtij viti, dy persona u arrestuan pasi mashtruan një biznesmen në emër të kryetarit të bashkisë së Lezhës, Pjerin Ndreu. Policia në lidhje me rastin, arrestoi Shkëlqim Domi dhe Saimir Sallaku. Ata mundën të përfitojnë 15 mijë euro nga biznesmeni Ylli Ujkaj, presidentit të ekipit të basketbollit “Besëlidhja”. Po ashtu, dy të arrestuarit komunikuan me biznesmenin në aplikacionin “Signal”.
