Jose Mourinho ka përzgjedhur tre futbollistët më të mirë në histori të futbollit dhe befasisht ai ka lënë jashtë kësaj liste Cristiano Ronaldon.
Mourinho cilësohet gjerësisht si njëri prej trajnerëve më të mirë të gjeneratës së tij, pas sukseseve që ka arritur në ekipe si Porto, Inter, Milan, Real Madrid dhe Manchester United.
Ai ka fituat tituj të ndryshëm në Angli, Itali dhe Spanjë, pa përmendur edhe Ligën e Kampionëve që e ka fituar me dy ekipe të ndryshme (Porto dhe Inter).
Por, cilët futbollistë i vlerëson Mourinho si më të mirët e të gjitha kohërave?
Në një intervistë befasuese, ai ka lënë jashtë kësaj liste Cristiano Ronaldon, i cili konsiderohet si njëri prej më të mirëve në histori teksa së fundmi ka arritur shifrën e mbi 900 golave të shënuar në karrierë.
Mourinho, sidoqoftë, vendosi për rivalin e tij Lionel Messin, po ashtu edhe për dyshen Diego Maradona dhe Pele si më të mirët që ka parë futbolli.
“Për mua, tre lojtarët më të mirë në histori janë Messi, Pele dhe Maradona”, ka thënë shkurtimisht tekniku portugez.
Sidoqoftë, Mourinho e kishte përmendur Ronaldon kur ishte pyetur se cilët janë futbollistët më të mirë që ka stërvitur, aty ku bënin pjesë edhe emra si Lampard, Terry, Drogba dhe Xabi Alonso.
