KOSOVË- Një debat i gjerë është duke ndodhur këto ditë në Kosovë, për shkak të vendimit të Federatës së Futbollit, për përjashtimin e 3 lojtarëve nga Kombëtarja, me pretendimin se kanë thyer rregulloren. Jo zyrtarisht është thënë se 3 prej lojtarëve më të mirë që ka kombëtarja e Kosovës, kanë shkuar në club pas humbjes që pësuan ndaj Rumanisë, si dhe kanë tentuar që të fusin në hotel disa vajza. Mirëpo vendimi i dyshimtë ka sjellë akuza të forta të opinionistëve sportivë në Kosovë, në drejtim të kreut të Federatës Agim Ademi. Sipas opinionistit Ramiz Shala, Ademi i ka kërcënuar dhe ofenduar 3 lojtarët, Edon Zhegrova, Arijanet Muriç dhe Florent Muslija, ndërkohë që në vendimin e përjashtimit nuk ka luajtur fare rol trajneri.
Shala thotë se Ademi i ka thirrur dhe ka biseduar me 3 lojtarët në mënyrë private, duke i kërcënuar se “iu shkatërron karrierën, iu prish fytyën dhe iu thyen këmbët”.
“Para vendimit, Agimi i ka thirr të tre djemtë dhe po citoj me fjalë “Kam me iu shkatërru karrierën, ja u prishi fytyrën, këmbët bre ja u thej”.
“Nuk ka marrë vendim Foda, përveç Agim Ademit. Nuk duhet ta mashtrojmë opinionin, sepse ata djem janë lojtarë të Kosovës. Ne i njohim, edhe nëse kanë gabuar që nuk e besoj, edhe nëse dalin prej Agim Ademit e teposhtë edhe në kanagjegje janë shku”.
“Unë i kam faktet e mia, nuk flas qysh ka qejf dikush. A i ke dëgjuar t’u thanë për rregullore, cilën rregullore? Kush e ka hartuar? Cili nën thotë se duhet të përjashtohet kur të del dikush?”.
Shala akuzoi më tej kreun e Federatës së Futbollit në Kosovë, se ka probleme psiqike. Sipas tij është e papranueshme që ai t’i drejtohet me atrë gjuhë fyese, lojtarit më të mirë që ka Kosova, i cili është Zhegrova.
“Kemi të bëjmë me një njeri që ka probleme psikike. Nëse ti nuk je i çmendur, nuk i thu lojtarit kryesor, largohu se ta prishi fytyrën, karrierën dhe t’i thej këmbët”.
“Nuk kam dëgju që një kryetar federate me e përjashtu një sportist, përpos në Serbi, nuk kam dëgjuar asnjë tjetër. Federata ka Komision Disiplinor, i cili është përgjegjës për secilin anëtar të Federatës”, vijoi Shala denoncimin e tij.
