Në vetëm shtatë muaj, fshati Shënavlash në Durrës është përballur me dy ngjarje tronditëse që i japin këtij vendi një karakter dramatik dhe të errët, si në skenarët më të frikshëm të kinemasë.
Më 23 Shkurt të këtij viti, u raportua vrasja e Pëllumb Metës, 49 vjeçar, nga tre fëmijët e tij. Sot, u zbardh një krim tjetër të ngjashëm, ku 30-vjeçari Esmerald Balla vrau babanë e tij, 62-vjeçarin Enver Balla.
Një element i përbashkët në të dyja rastet është mënyra si trupat e pajetë janë fshehur. Pëllumb Meta u raportua i zhdukur më 13 Shkurt dhe u zbulua se ishte vrarë disa ditë më vonë, ndërsa u gjet i groposur pranë një kasolleje nga tre fëmijët e tij. Krimi u zbardh pas dy javësh. Në rastin e Enver Ballës, Esmerald Balla hodhi trupin në një pus, rreth një kilometër larg vendit të ngjarjes dhe raportoi se babai kishte ikur nga banesa.
Ngjarjet e fundit në Shënavlash kanë tronditur opinionin publik dhe kanë çuditur me mënyrën e ftohtë të autorëve, të cilët duket se kanë ndjekur skenarë të ndërlikuar për të eliminuar prindërit e tyre.
![45-vjeçari përplaset me të riun që ishte në motor, pas ikjes nga vendngjarja dorëzohet në komisariat shoferi i makinës
"Shërbimet e Policisë Rrugore Lezhë kanë dorëzuar materialet në Prokurori, ku ka nisur procedimi penal në gjendje të lirë për shtetasin L. N., 45 vjeç, banor i Laçit. Ai, gjatë drejtimit të automjetit në qytetin e Laçit, ka përplasur një motomjet të drejtuar nga shtetasi E. N., 18 vjeç, gjithashtu banor i Laçit, i cili, pas marrjes së [...]](https://timoni.al/wp-content/uploads/2025/11/45-vjecari-perplaset-me-te-riun-qe-ishte-ne-motor-pas-120x86.jpg)
