Kryetari i Bashkisë së Elbasanit, Gledian Llatja dhe një grup përfaqësues i punonjësve të kompanisë kanë mbërritur këtë të mërkurë pranë ambienteve të Kurum, kjo për të arritur negociatave sa i takon çështjes së 500 punonjësve të larguar nga puna.
Sot për herë të parë, Kurum ka lejuar edhe hyrjen e mediave për të ndjekur vazhdimësinë e ngjarjes dhe për të mësuar se çfarë do të ndodhë me fatet e punonjësve.
Kujtojmë se KURUM ka mbyllur uzinën duke lënë “në rrugë” 500 punonjës me argumentin se është në vështirësi financiare.
Duke përsëritur kështu historinë e vitit 2016, kur kompania shpalli falimentin, për t’ju shmangur kredive të pashlyera, pagave të papaguara dhe për të fshehur evazionin fiskal, dhe doli nga falimenti në fund të 2018-ës.
