Kryeministri Edi Rama foli edhe për raportet me partnerët strategjikë, duke u ndalur në tre vendet kryesore, Greqinë, Turqinë dhe Italinë.
Rama për tre pikat, që sipas tij e kanë cuar Shqipërinë deri këtu dhe do ta ndihmojnë që të shkojë dhe më tej.
Kryeministri deklaroi se “duhet të ruhemi nga kompleksi i inferioritetit, pasi nuk kemi asnjë arsye”.
Sipas tij, ‘për tu rritur dhe fuqizuar dhe për të vazhduar të ushqyer respekt, besim dhe të rrisim prestigjin tonë ne duhet të flasim me qartësi dhe respekt me aleatët dhe miqtë tanë, por të pretendojmë të njëjtën qartësi, respekt nga aleatët dhe miqtë tanë’.
“Dua të them që pa humbur në fjalë dhe në një retorikë të rastit janë tre pika të rëndësishme që na kanë ndihmuar të arrijmë deri këtu dhe do na ndihmojnë të shkojmë më tutje
Së pari është krijimi i një vetëdije të re në mbrojtjen e interesave tona kombëtare. Jo se më parë, të tjerët në fushën e marrëdhënieve ndërkombëtare nuk ka qenë i vetëdijshëm për përfaqësimin dhe mbrojtjen e interesave kombëtare, por jo rastësisht e theksova një vetëdije të re. Ka rëndësi të jesh i vetëdijshëm për këtë interesa kur flet me të tjerët. Këtu vijmë tek pika e dytë, vullneti dhe angazhimi i plotë për të rritur kujdesin ndaj shqiptarëve jashtë atdheut. Si dhe përforcimin e aleancave strategjike dhe miqësive tradicionale. Aleancat tona strategjike janë të qarta si drita e diellit
Së treti ne jemi profilizuar dhe do vazhdojmë të forcojmë profilin e partnereve të padyshimtë dhe miqve të palëkundur. Natyrisht duke qenë këtu në këtë pjesë të Evropës që ka një trashëgimi jo të lehtë lëmshi të interesave nuk është e lehtë, pasi fjala vjen ne jemi miq tradicionale të Turqisë dhe Greqisë dhe për ne këto janë dy miqësi të rëndësishme, por për ne është e shkruar e zeza mbi të bardhe në programin tonë qeverisës, qoftë Turqia, Greqia dhe Italia janë partnerët tanë strategjik.
Duhet të ruhemi nga kompleksi i inferioritetit, pasi nuk kemi asnjë arsye. Për tu rritur dhe fuqizuar dhe për të vazhduar të ushqyer respekt, besim dhe të rrisim prestigjin tonë ne duhet të flasim me qartësi dhe respekt me aleatët dhe miqtë tanë, por të pretendojmë të njëjtën qartësi, respekt nga aleatët dhe miqtë tanë. Kjo është e rëndësishme dhe kjo është një arsye që sot të gjendemi në një pozicion tjetër. Në tërësi kur flitet në Shqipëri nuk flitet për një vend me hije apo në hije dhe ku? Ku Shqipëria përmendet në korri9doret e auditorëve shqiptare”, tha Edi Rama.
