Një adoleshente skoceze ka humbur jetën gjatë pushimeve në Ibiza pasi raportohet se ra nga ballkoni i hotelit.
Emma Ramsay, 19 vjeç, raportohet se ka vdekur të martën në mëngjes pas aksidentit në zonën e San Antoni, shkruan BBC.
Studentja e Universitetit Strathclyde kishte postuar video të saj duke shijuar pushimet vetëm disa orë para vdekjes, duke thënë në një postim në Instagram se ishte “e fiksuar pas këtij vendi”.
Në një postim në rrjetet sociale, nëna e saj Barbara tha se vajza e saj ishte “shoqja ime më e mirë për të”.
Ajo shtoi: “Do të më mungosh shumë. Pusho në paqe engjëlli im i ëmbël, mamaja të do kaq shumë.”
Në një postim tjetër, ajo ka shkruar se zemrat e familjes janë thyer përgjithmonë.
Gazeta Olive Press në Ibiza raportoi se ambulancat, policia lokale dhe garda civile spanjolle u thirrën në Hotel Vibra District, por mjekët nuk mund t’i shpëtonin jetën adoleshentes.
