Pas publikimit të një video ku ujërat e ndotura të një kantieri ndërtimi në Portin e Vlorës derdhen në det, ka ardhur edhe reagimi.
Porti i Vlorës përmes një njoftimi deklaron se ka proceduar penalisht drejtorin e kompanisë që kryen ndërtime në kantierin e portit.
Sipas njoftimit, procedimi ka nisur për shtetasin H.M., 31 vjeç, I cili është edhe drejtori i kompanisë që kryen ndërtimet.
Port, Vlorë
Ndotën ujërat e detit, procedohet penalisht drejtori i kompanisë që kryen ndërtime në kantierin e portit të Vlorës.
Menjëherë pas njoftimit për ndotje të ujërave në portin e Vlorës (rast i bërë publik dhe në disa media online), specialistët për Hetimin e Krimeve të Komisariatit të Policisë Vlorë kryen verifikimet e nevojshme për të nxjerrë përpara përgjegjësisë penale përgjegjësit.
Për rastin u referuan materialet në Prokurori, ku nisi procedimi penal, për veprën penale “Ndotja e ujërave”, për shtetasin H. M., 31 vjeç, drejtor i kompanisë që kryen punimet e ndërtimit në portin e Vlorës.
Drejtoria Vendore e Policisë Vlorë apelon për qytetarët që të denoncojnë çdo rast të ngjashëm të ndotjes së mjedisit , për të kontribuar në mbrojtjen e pasurisë së përbashkët natyrore dhe për garantimin e shëndetit publik.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
