Jared Kushner, dhëndri i ish-presidentit Donald Trump, po planifikon investime të rëndësishme në Shqipëri, përfshirë një projekt të madh në Zvërnec, një zonë bregdetare të izoluar me plazhe dhe shkëmbinj të pashembullt.
Sipas një artikulli në “Washington Post”, Kushner është impresionuar nga bukuria natyrore e zonës dhe ka synuar ta shndërrojë atë në një nga resortet më luksoze në botë, duke përdorur një pjesë të fondit të tij privat prej 3 miliardë dollarësh.
Kushner, përmes kompanisë së tij Affinity Partners, ka arritur të sigurojë fonde kryesisht nga investitorë të Lindjes së Mesme, përfshirë Arabinë Saudite.
Ky investim ka ngritur shqetësime për ndikimet e mundshme të lidhjeve të tij me Trump dhe burimin e financimit të huaj, duke theksuar se këto investime mund të jenë të motivuara nga konsiderata strategjike më shumë sesa nga interesat komerciale.
