Në një raport të fundit, Drejtoria e Policisë Rrugore ka bërë të ditur se gjatë javës së kaluar janë pezulluar 154 leje drejtimi për shkelje të ndryshme të Kodit Rrugor, përfshirë shpejtësi të tejkaluar, drejtim në gjendje të dehur dhe qarkullim në sens të kundërt. Po ashtu, janë arrestuar 41 drejtues mjetesh për drejtim në gjendje të dehur dhe për mungesë leje drejtimi.
Në të gjithë vendin janë vendosur gjithsej 24,231 masa administrative, përfshirë:
6,701 për shpejtësi mbi normat e lejuara
1,014 për përdorim të celularit gjatë drejtimit
1,306 për mospërdorim të rripit të sigurimit
2,357 për parakalime të gabuara
267 për mosvendosje të kaskës mbrojtëse
117 për manovra të rrezikshme
201 për drejtim në gjendje të dehur
10,034 për parkim të gabuar
2,234 për shkelje të tjera të Kodit Rrugor
Gjatë javës, Policia Rrugore e Tiranës ka identifikuar dhe goditur dy raste të tentativës për të korruptuar punonjësit e saj për të shmangur masat administrative.
Policia Rrugore apelon për të gjithë drejtuesit e automjeteve që të respektojnë me rigorozitet rregullat e qarkullimit, të qëndrojnë në radhë gjatë ngadalësimeve të trafikut, të përdorin rrugë alternative kur është e mundur, dhe të respektojnë kufizimet për kamionët gjatë fundjavave dhe festave.
Për të kontribuar në rritjen e sigurisë rrugore, qytetarët ftohen të denoncojnë çdo shkelje në numrin pa pagesë 112.
