Në ceremoninë e pritjes së Chermen Valiev dhe Islam Dudaev të cilët i sollën Shqipërisë dy medalje olimpike foli presidenti i Federatës së Mundjes Sahit Prizreni.
Ai u shpreh se ky është një gëzim i madh, pasi fakti që është historike e bën këtë moment fantastik.
“Jam shumë krenar, kjo është një ëndërr që kam dashur ta realizoj. Jam shumë krenar për djemtë. Përulje dhe mirënjohje për këdo që nderon flamurin kombëtar. Uroj që mos jetë hera e fundit që ne mblidhemi. Është punë e një ekipi të bashkuar dhe mendoj se sot duhet të gëzojmë”, tha Sahit Prizreni.
