Ditën e sotme një zjarr me përmasa të mëdha ka rënë në fshatin Finiq në faqen e malit drejt parkut arkeologjik.
Zjarri është përhapur me shpejtësi dhe si pasojë është djegur e gjithë sipërfaqja e parkut arkeologjik dhe flakët kanë kaluar brenda në objekt.
Ndërkohë është ndaluar edhe kalimi i mjeteve drejt Finiqit pasi zjarri është pranë rrugës.
Perfekti i Vlorës Kritaq Kiço tha që situata e zjarrit në Finiq është e vështirë.
“Situata në Finiq është shumë e vështirë, zjarri ka përparuar në drejtim të malit të Finiqit dhe ka dalë nga ana e pasme e tij. Urojmë që Forcat Zjarrfikëse të jetë të sigurtë. Zjarri po përparon në drejtim të fshatit Mavropull”, tha perfekti.
Më pas ai u shpreh se janë në kontakt me Drejtorinë e Shërbimit të Emergjencave për të parë mundësinë edhe ndërhyrjen nga ajri.
“Nuk kemi një pamje të qartë lidhur me parkun arkeologjik të Finiqit, i kemi thënë edhe punonjësve të parkut të largohen”, tha perfekti i Vlorës.
