Projekti për shtrimin me asfalt të segmentit rrugor Peshkopi-Maqellarë është duke avancuar me ritme të shpejta.
“Aktualisht kanë përfunduar 2 kilometra me shtresën e parë të asfaltit, binder. Gjithashtu me veprat e artit po ecet mirë. Dy urat që ka kjo vepër janë pothuajse drejt përfundimit. Ura 29 metra ka përfunduar dhe soleta, ndërsa për urën 18 metra janë duke u përgatitur trarët”, bëri të ditur drejtori i ARRSH, Gjyli.
Kjo nismë e rëndësishme infrastrukturore synon përmirësimin e ndërlidhjes mes qytetit të Peshkopisë dhe zonave përreth, duke ofruar një rrugë më të sigurt dhe më të përshtatshme për banorët dhe vizitorët.
Ky projekt është pjesë e një plani më të gjerë zhvillimi që synon modernizimin e infrastrukturës rrugore në të gjithë rajonin e Dibrës. Banorët e zonës dhe bizneset lokale kanë pritur me padurim përfundimin e kësaj rruge, e cila pritet të sjellë përfitime të shumta ekonomike dhe sociale.
