Në Konispol janë zbardhur detaje të reja rreth ngjarjes tragjike ku humbën jetën dy persona. Pas një debati mes Klement Islamaj dhe prindërve të tij, ka dalë se vajza e 40-vjeçarit ishte ajo që lajmëroi të atin për vrasjen e gjyshes nga gjyshi.
Në përleshje me babanë e tij, Klementi ka shtyrë 69-vjeçarin, Hysen Islamaj, nga shkallët, duke shkaktuar vdekjen e menjëhershme të tij.
Duket si histori e përsëritur pasi bëhet e ditur se babai i Hysen Islamajt, ose ndryshe siç njihej në fshat si Xhevit Cene, është dyshuar më parë për të paktën tre vrasje.
Dhe të treja kanë qenë bashkëshortet e tij. Njërën nga bashkëshortet e ka vrarë duke e hedhur në gropë të gëlqeres, tjetrën e ka vrarë duke e hedhur në pus, ndërsa tjetrën e ka mbytur në lumë, duke e çuar në tre numrin e viktimave.
Policia ka hedhur poshtë dyshimet se djali mund të kishte qenë autor i dy vdekjeve dhe po vazhdon hetimet për zbardhjen e plotë të ngjarjes.
