Aktori i njohur Mehdi Malkaj është i shtruar në reanimacionin e Kardiologjisë në QSUT për shkak të problemeve shëndetësore në zemër (Sindromë Koronare Akute).
Malkaj u dërgua në spital pasi ndjeu dhimbje në krahun e majtë gjatë një vizite në Spitalin e Traumës, ku mori ndihmën e parë para se të përcillet me urgjencë në QSUT. Gjendja e tij në spital raportohet të jetë stabile dhe pritet të nënshtrohet ekzaminimeve të tjera mjekësore gjatë ditës së sotme.
Mehdi Malkaj njihet për shumë role të shquara në teatër dhe kinema, duke përfshirë interpretimin e tij të njohur si Xha Braho në telekomedinë “Gjuetia e Fundit”.
