Një 39-vjeçare është ndaluar në pikën kufitare të Qafë Thanës pasi rezultoi e dënuar me 2 vjet e 6 muaj burgim.
Shpresa Allmuça, e cila jeton në Tiranë, ishte shpallur në kërkim nga Gjykata e Tiranës për veprat penale “Drejtimi i automjetit në mënyrë të parregullt” dhe “Shkelja e rregullave të qarkullimit rrugor”.
Sipas njoftimit të policisë, Shërbimet e Postës Kufitare në Qafë Thanë kanë kapur Allmuçën, e cila ishte arrestuar sapo kishte hyrë në Shqipëri. Ajo tani do të përballet me dënimin e caktuar nga gjykata.
