Monedha evropiane e mbyll muajin korrik më e dobët se kurrë. Një Euro sot po këmbehet mesatarisht 100.22 lekë, niveli më i ulët i regjistruar ndonjëherë, duke thyer edhe rekordin e një dite më parë.
Referuar kursit zyrtar të Bankës së Shqipërisë tregtarët po ua blejnë qytetarëve 1 euro me 99 lekë dhe po e shesin me 100.4 lekë.
》Kurse në krahun tjetër, edhe Dollari ka pësuar një rënie të lehtë pasi sot blihet me 92 lekë dhe shitet 93 lekë.
Institucionet thonë se shkak për këtë zhvlerësim të euros është sasia e lartë e valutës europiane në treg ndikuar kryesisht prej turizmit e investimeve të huaja, por edhe paraja që vjen nga burimet informale.
