Tori Xhecuka alias Hektor Xheçuka është është shpallur në kërkim nga policia e Tiranës. Një person me precedent të theksuar kriminal, këtë herë kërkohet për pengmarrjen dhe kërcënimin e një 35-vjeçari. Xheçuka dyshohet se ka bashkëpunuar në krim me Jeton Lamin, Vis Lamin si dhe ka punuar për një grup kriminal me origjinë nga Kukësi.
Ai ka vepruar së bashku me të tjerë persona, të cilët janë vënë në pranga.
Kush është Hektor Xheçuka akuzat për atentate
Tori Xhecuka alias Hektor Xheçuka, një emër mjaft i njohur për drejtësinë, i përfshirë në atentate dhe tentativa për vrasje.
Ai dyshohet si bashkëpunëtor i Jeton Lamit, poashtu ka bashkëpunuar edhe me Vis Lamin. Xheçuka njihet si dhe “ushtar” i grupit kriminal me origjinë nga Kukësi. Tori Xhecuka ka planifikuar vrasjen e Durim Bamit, plan ky i dalë në pah nga hetimet pas “thyerjes” së aplikacionit SkyECC.
Po ashtu, ai akuzohet edhe për vrasjen e Emiljano Boçit.
Xheçuka dyshohet se qëlloi me armë Emiljano Boçin në automjetin e tij të parkuar pranë një lokali në zonën e ish-parkut të Autobusëve në Tiranë.
Hektor Xheçuka ka qenë i arrestuar edhe në vitin 2015 për një vrasje të mbetur në tentative.
Si ndodhi pengmarrja
Katër të arrestuarit kanë marrë peng 35-vjeçarin, që sipas policisë e kanë kërcënuar duke i kërkuar para.
Lidhur me këtë ngjarje u lëshuan katër urdhër arreste për Tori Xhecuka alias Hektor Xheçuka, Aleksander Osmani, Artan Pirraci dhe Fredi Keta, pasi akuzohen se kanë marrë peng një 35-vjeçar me qëllim kërcënimin për t’i marrë para.
Ndërkohë në masën e sigurisë “Arrest në shtëpi” janë lënë: Naim Qarri, Sajmir Kolaveri dhe Adem Metkola.
“Nga veprimet hetimore ka rezultuar se këta shtetas, në bashkëpunim me njëri-tjetrin, i kanë hequr lirinë një 35-vjeçari, dhe e kanë kanosur atë për dhënie pasurie”, njoftoi policia.
